“Бес қару” әскери-патриоттық жарысы

22 қараша күні Эстетикалық пәндер, АӘТД және дене шынықтыру пәндері әдістемелік бірлестігінің онкүндігі аясында және Кеңес Одағының батыры, Халық Қаһарманы, тұңғыш Қорғаныс министрі, армия генералы Сағадат Нұрмағанбетовтың 100 жылдығына орай мектебімізде 9-11 сынып оқушылары арасында “Бес қару” әскери-патриоттық жарысы болып өтті. Аталған жарыста Радиоэлектроника және әскери байланыс инженерлік институтының курсанттары қазылық етті. Сайыстың әр кезеңдері бойынша бақ сынаған қатысушы сыныптар соңында марапатталды. Әскери-патриоттық жарысты жоғары деңгейде ұйымдастырған әскери жетекші, АӘТД пәні мұғалімі Енсебаев Бакытжан Ксеновичке алғысымызды білдіреміз.