«Абайлаңыз, балалар!» республикалық акциясы
19.05.26 ж. мектеп инспекторы А.С.Турганбек «Абайлаңыз, балалар!» республикалық акциясы аясында 1-сынып оқушыларымен жол қозғалысы қауіпсіздігі бойынша жедел түсіндірме жұмыстары жүргізді. Іс-шара барысында оқушыларға көшеде, жол бойында және жаяу жүргіншілер өткелінде өзін дұрыс ұстау ережелері түсіндірілді. Сонымен қатар жол белгілерінің маңызы, бағдаршам сигналдарын сақтау және жол-көлік оқиғаларының алдын алу жолдары туралы ақпарат берілді.
Түсіндіру жұмыстары барысында балаларға қауіпсіздік ережелерін сақтау қажеттілігі айтылып, түрлі мысалдар мен танымдық сұрақтар арқылы олардың білімдері бекітілді. Іс-шараның мақсаты – оқушылардың жолдағы қауіпсіздік мәдениетін қалыптастыру, жазатайым оқиғалардың алдын алу және өмір қауіпсіздігіне жауапкершілікпен қарауға тәрбиелеу.