«Кітап – рухани қазына» тақырыбында тәрбие сағаты өткізілді.

Мектебімізде кітапхананың 10 күндігі аясында «Кітап – рухани қазына» тақырыбында тәрбие сағаты өткізілді. Іс-шараның мақсаты – оқушылардың кітап оқуға деген қызығушылығын арттыру, рухани-адамгершілік құндылықтарды насихаттау және кітаптың адам өміріндегі маңызын түсіндіру болды.
Тәрбие сағаты барысында оқушыларға кітаптың адам дамуына тигізер пайдасы туралы кеңінен ақпарат беріліп, түрлі шығармалар таныстырылды. Сонымен қатар, оқушылар өздерінің сүйікті кітаптары туралы ой бөлісіп, пікір алмасты. Іс-шара барысында қызықты сұрақ-жауап, пікірталас ұйымдастырылып, оқушылар белсенділік танытты. Шара жоғары деңгейде өтіп, оқушылардың кітапқа деген қызығушылығын арттыруға оң ықпал етті.